BIBLIOLOGIE – DOKTRIN BIB LA

BIBLIOLOJI — DEKOUVRI PISANS, VERITE AK OTORITE PAWÒL BONDYE A

Biblioloji (Doktrin Bib la) se etid biblik ki ede nou konprann orijin Bib la, enspirasyon li, otorite li, fason li te ekri, fason li te transmèt atravè jenerasyon yo ak enpòtans li nan lavi kretyen yo.

Atravè doktrin sa a, nou dekouvri Bib la se Pawòl Bondye enspire, ki revele nati Bondye, volonte Li, plan sali Li ak verite espirityèl ki gide lavi lèzòm.

Bib la genyen 66 liv selon kanon pwotestan an, ki divize an de gwo pati: Ansyen Testaman an ak Nouvo Testaman an. Malgre plizyè otè imen te patisipe nan ekriti liv sa yo, kretyen yo rekonèt Sentespri a kòm sous enspirasyon yo.

Plis nou etidye Bib la, se plis nou grandi nan konesans Bondye, ranfòse lafwa nou, aprann viv nan obeyisans epi prepare nou pou anseye verite Pawòl Li avèk fidelite.

Fondasyon biblik: 2 Timote 3:16–17; 2 Pyè 1:20–21; Sòm 119:105; Ebre 4:12; Jan 17:17.

Otè / Anseyan: Pastè Jorel Moise

Etidye Pawòl Bondye • Konnen Verite a • Grandi nan Lafwa • Viv nan Obeyisans